MəqaləBeyrək Abbaszadə · 28.09.2026
Böyük yaşda ASD: gec aşkarlanan ürək qüsuru | Dr. Beyrək
Bir klinik nümunə
32 yaşlı xəstə təngnəfəslik şikayəti ilə müraciət edib. Müayinədə aşağı sinus venosus tipli ASD və ağciyər venalarının qismən anomal qayıdışı aşkarlanıb; sağ ürək boşluqları genişlənmiş, sağ mədəcikdə və ağciyər arteriyasında təzyiq artmışdı. Dr. Beyrək Abbaszadə ağciyər venalarını sol qulaqcığa yönəldib, defekti xəstənin öz perikardından hazırlanmış yamaqla bağlayıb. Xəstə 5 gün sonra evə yazılıb.
Hansı əlamətlər ASD-yə işarə edə bilər
fiziki yükdə təngnəfəslik və tez yorulma; tez-tez təkrarlanan tənəffüs yolu infeksiyaları; exokardioqrafiyada sağ ürək boşluqlarının genişlənməsi.
Nə vaxt bağlanmalıdır
Sağ ürək boşluqlarının genişlənməsinə səbəb olan ASD bağlanmalıdır. Sekundum tipli defektlər uyğun anatomiyada kateterlə bağlana bilər; sinus venosus və primum tipləri isə adətən cərrahi müalicə tələb edir. Əsas şərt ağciyər damarlarında dönməz dəyişikliklərin olmamasıdır, ona görə qərar təxirə salınmamalıdır.
Əməliyyatdan sonra
Müntəzəm exokardioqrafiya ilə yamağın vəziyyəti, sağ ürəyin ölçüləri və ağciyər təzyiqi izlənilir. Ritm pozğunluğu əlamətləri yaranarsa, həkimə müraciət etmək lazımdır.