MəqaləDilarə Həsənova · 08.10.2026
Proktoloji əməliyyatdan sonra bərpa | Dr. Dilarə Həsənova
Əməliyyatdan sonra nə gözləməli?
Proktoloji əməliyyatlardan sonra ilk günlərdə müəyyən ağrı, narahatlıq və az miqdarda qanlı axıntı normal sayılır. Ağrıkəsicilər, nəcisi yumşaldan dərmanlar, ılıq oturma vannası və gigiyena bərpanı asanlaşdırır. Sağalma müddəti əməliyyatın növündən və həcmindən asılıdır və adətən 1–4 həftə arasında dəyişir.
İlk günlər
İlk sarğı: adətən əməliyyatdan 24 saat sonra. Ağrı: həkimin təyin etdiyi ağrıkəsiciləri müntəzəm qəbul edin, ağrının güclənməsini gözləməyin. İlk defekasiya: nəcisi yumşaldan dərmanlar və bol maye ilk defekasiyanı asanlaşdırır. İstəyi boğmayın, gücənməyin. Ətraflı: Hemorroidektomiyadan sonra ilk defekasiya Ilıq oturma vannası: gündə bir neçə dəfə və hər defekasiyadan sonra 10–15 dəqiqə ılıq su ilə. Gigiyena: defekasiyadan sonra tualet kağızı əvəzinə ılıq su ilə yumaq və yumşaq dəsmal ilə qurulamaq. 24 saat İlk sarğı adətən əməliyyatdan 24 saat sonra edilir. İlk günlər Ağrıkəsicilər, nəcisi yumşaldan dərmanlar, ılıq oturma vannası. İlk ay Bir neçə planlı nəzarət müayinəsi. 1–4 həftə Bərpa müddəti əməliyyatın həcmindən asılıdır. Dəqiq müddəti və nəzarət müayinələrinin vaxtını həkim fərdi olaraq müəyyən edir.
Qidalanma
Lifli qidalar və bol maye İlk günlərdə acı, ədviyyatlı, çox duzlu qidaları, qazlı içkiləri və alkoqolu məhdudlaşdırmaq
Fəallıq
Gəzinti ilk gündən tövsiyə olunur Ağırlıq qaldırmaq və ağır fiziki yük həkimin icazəsinə qədər məhdudlaşdırılır İşə qayıdış işin növündən asılıdır. Oturaq işə adətən daha tez, ağır fiziki işə daha gec qayıdılır
Nəzarət müayinələri
Dr. Həsənova əməliyyatdan sonra xəstələri ilk ay ərzində bir neçə dəfə nəzarət müayinəsinə dəvət edir. Polipektomiyadan sonra nəzarət müayinəsinin vaxtı histoloji cavaba görə müəyyən edilir.
Nə vaxt dərhal həkimə müraciət etməli?
Ağrının artması və ağrıkəsicilərə baxmayaraq keçməməsi Davamlı və ya güclü qanama İrinli axıntı, yarada pis qoxu, artan şiş Sidik ifraz edə bilməmə Simptomların qısa müddətdə təkrarlanması, gözlənilməyən yan təsirlər Güclü qanaxma və huşunu itirmə kimi təcili hallarda 103 nömrəsinə zəng edin.