XidmətDilarə Həsənova · 08.10.2026
Bağırsaq sağlamlığı: gündəlik qaydalar | Dr. Həsənova
«Sağlam bağırsaq — sağlam düşüncə»
Bu, Dr. Həsənovanın şüarıdır. Bağırsaq sağlamlığı həzm sisteminin, bağırsaq mikrobiotasının və normal defekasiyanın qorunması deməkdir. Bağırsaqla beyin arasında sinir, hormon və immun sistemi vasitəsilə ikitərəfli əlaqə var: stress bağırsaq şikayətlərini artıra, bağırsaq problemləri isə gündəlik əhvalı poza bilər. Ətraflı: bağırsaq–beyin oxu Sinirlər (xüsusən azan sinir) Bağırsaq və beyin ikitərəfli əlaqədədir: stress bağırsaq şikayətlərini artıra, bağırsaq problemləri isə əhvala təsir edə bilər.
Gündəlik qaydalar
Lifli qidalanma: tərəvəz, meyvə, paxlalılar, tam taxıllı məhsullar. Gündə təxminən 25–35 q lif. Su: gün ərzində kifayət qədər maye. İsti havada və fiziki yükdə daha çox. Hərəkət: gündəlik gəzinti və sadə məşqlər bağırsağın hərəkətini artırır. Yemək mədəniyyəti: tələsmədən yemək, qidanı yaxşı çeynəmək. Düzgün tualet vərdişi: istəyi boğmamaq, gücənməmək, tualetdə uzun oturmamaq, telefonu kənara qoymaq. Fermentləşdirilmiş qidalar: qatıq, kefir. Kələm turşusunda canlı bakteriya yalnız sirkəsiz, duzlu suda qıcqırdılmış (pasterizə olunmamış) növdə olur. Duzlu olduğu üçün yüksək qan təzyiqi olanlar ehtiyatlı olmalıdır. Stressin idarə olunması və yuxu rejimi.
Profilaktik müayinələr
Orta risk qrupunda 45 yaşdan (bəzi tövsiyələrdə 50 yaşdan) yoğun bağırsaq xərçəngi skrininqi: kolonoskopiya və ya nəcisdə gizli qan testi (FİT) Ailədə yoğun bağırsaq xərçəngi və ya polip olduqda daha erkən müayinə Rektal qanama, defekasiya vərdişinin dəyişməsi və digər narahatedici əlamətlərdə yaşından asılı olmayaraq həkimə müraciət Kolonoskopiya haqqında · Probiotik, prebiotik və sinbiotik