MəqaləƏlituran Hüseynzadə · 09.10.2026
Batıq penis və mikropenis: fərq nədir? Uşaq cərrahı izah edir
Mikropenis nədir?
Penisin ölçüsünün yaş normasına görə tibbi olaraq həqiqətən kiçik olmasıdır. Səbəb adətən hormonal fonla bağlıdır; qiymətləndirmə uşaq endokrinoloqu ilə birlikdə aparılır.
Batıq (gömülü) penis nədir?
Penisin ölçüsü tamamilə normaldır! Sadəcə qasıq nahiyəsindəki piy toxumasının altında və ya anatomik bağların fərqli olması səbəbindən «gizlənib». Həkimin izahına görə əsas səbəb penisi xaricdə saxlayan bağ aparatının zəif inkişafı və ya düzgün bərkiməməsidir.
Artıq çəki səbəbdirmi?
Həmişə yox. Həkimin müşahidəsində çox artıq çəkili, lakin bağları normal inkişaf etmiş uşaqlarda penis içəri qaçmır. Əgər penis içəri qaçırsa, düymə kimi kiçik görünürsə, bu, batıq penis ola bilər və gecikdirilmədən uşaq cərrahı müayinəsi lazımdır.
Niyə gözləmək olmaz?
«Arıqlasın, düzələcək», «böyüsün, düzələcək» deyə gözləyən ailələrdə uşaq böyük yaşa çatır, penis kiçik qalır və uşaq psixoloji travma alır. Batıq penisli uşağın standart sünnəti isə dərinin çox kəsilməsinə səbəb ola bilər.
Nə etməli?
Sünnətdən əvvəl uşaq cərrahı müayinəsi. Batıq penis aşkarlanarsa, əvvəlcə cərrahi korreksiya, sonra ölçüyə uyğun sünnət.