MəqaləVüsalə Rüstəmova · 09.10.2026
Hamiləlikdə idman: faydaları və təhlükəsizlik
Faydaları (həkimin yazısından)
Əzələlərin gücü və artan çəkiyə dözümlülük artır Qan dövranı yaxşılaşır, ayaqda və beldə ağrı azalır Yorğunluq azalır, enerji artır Çəkini normada saxlamağa kömək edir Doğuşa tab gətirmə gücü artır, doğuşdan sonra bərpa daha tez gedir
Təhlükəsizlik qaydaları
Yer rahat olmalı, yıxılıb zədələnmək təhlükəsi olmamalıdır. Boş, rahat geyim və sürüşməyən ayaqqabı geyinin. Yıxılma və zərbə riski olan idman növlərindən çəkinin. Bol maye için, həddindən artıq istidə məşq etməyin. Beynəlxalq tövsiyələrdə problemsiz hamiləlikdə həftədə təxminən 150 dəqiqə orta intensivlikli aktivlik (məsələn, gəzinti, üzgüçülük) nəzərdə tutulur.
Məşqi dayandırın və həkimə müraciət edin
Vaginal qanaxma · müntəzəm ağrılı sancılar · suyun gəlməsi · başgicəllənmə, huşun dumanlanması · sinə ağrısı, təngnəfəslik · baldırda ağrı və şişkinlik · şiddətli baş ağrısı.
Mənbələr
ACOG Committee Opinion No. 804, 2020. Bu səhifədəki məlumat ümumi maarifləndirmə məqsədi daşıyır və həkim müayinəsini əvəz etmir.