MəqaləMədinə Dilbazi
Hamiləlik planlaması və tiroid: nə vaxt və necə yoxlamalı | Dr. Mədinə Dilbazi
Hamiləlikdən əvvəl
Hipotireoz və ya Haşimoto varsa, TSH hamiləlikdən əvvəl hədəf aralığa gətirilir və hamiləlik bundan sonra planlaşdırılır. İlk dəfə yoxlanan qadınlarda TSH (lazım olduqda sərbəst T4 və anti-TPO) qiymətləndirilir.
Hamiləlik təsdiqlənəndə
Levotiroksin qəbul edən qadın hamiləliyi biləndə gecikmədən endokrinoloqa müraciət etməlidir: bu dövrdə hormon ehtiyacı adətən artır. TSH hamiləliyin ilk yarısında təxminən hər 4 həftədən bir (həkimin praktikasında 4–6 həftədən bir) yoxlanılır və doza tənzimlənir. Hamiləlikdə TSH-ın normal aralığı qeyri-hamilə qadınlardan fərqlidir; nəticəni hamiləliyə uyğun şərh etmək lazımdır.
Simptomlar həmişə özünü göstərmir
Hamiləlikdə hipotireoz çox vaxt əlamətsiz gedir; bəzən halsızlıq, yorğunluq, ürəkbulanma, qəbizlik, üşümə, dəri quruluğu, dırnaq kövrəkliyi, saç tökülməsi, səs boğuqluğu və ödemlə müşayiət olunur. Müalicə olunmayan aşkar hipotireoz hamiləliyin gedişinə və körpənin neyroinkişafına mənfi təsir göstərə bilər.
Yod
Hamiləlik və əmizdirmədə yod ehtiyacı artır. Yod tərkibli vitamin preparatının lazım olub-olmadığını həkiminiz müəyyən edir.
Doğuşdan sonra
Doğuşdan və ya keysəriyyə əməliyyatından sonra levotiroksin dozası yenidən tənzimlənir (çox vaxt hamiləlikdən əvvəlki dozaya qaytarılır və ya bəzi hallarda dayandırılır) və təxminən 6 həftə sonra hormonlar yoxlanılır. Kontrola gəlmədən yüksək dozanı davam etdirmək dərmana bağlı tireotoksikoza səbəb ola bilər.
Ramazanda diabet və tiroid dərmanları
Diabetlisinizsə və oruc tutmaq niyyətiniz varsa, bu qərarı Ramazandan əvvəl həkiminizlə müzakirə edin.
Tiroid düyünü aşkarlandı: nə etməli?
Gündəlik praktikada ən çox rast gəlinən pasiyent qruplarından biri tiroid düyünü aşkarlanan, kiminsə biopsiya, kiminsə əməliyyat, kiminsə yalnız…
Levotiroksini necə qəbul etməli?
Levotiroksin dünyada ən çox istifadə olunan dərmanlardandır, lakin onun təsiri qəbul qaydalarına çox həssasdır.