Sual-cavabLalə Dustiyeva
Ayaq qısalığı: uzunluq fərqi, çanaq və onurğaya təsiri
Ümumi məlumat
Növləri: struktur qısalıq — sümüyün özü qısadır (anadangəlmə, sınıqdan sonra və s.); funksional qısalıq — çanağın əyilməsi, oynaq kontrakturu və ya ayaq deformasiyası səbəbindən. Əlamətlər: çanaq və çiyin səviyyəsində fərq, axsama, bel ağrısı, ayaqqabının qeyri-bərabər yeyilməsi. Ölçmə: klinik müayinə ilə; dəqiq ölçmə üçün həkim rentgen təyin edə bilər.
Sağlam Addımda
Ayaq və duruş müayinəsində ayaqların uzunluğu və çanaq səviyyəsi yoxlanılır. Kompensasiya fərdi içliyə əlavə edilir. Mərkəzin nümunələrində polipropilen supinatorun bir tayına qısalıq korreksiyası verilib. Serebral iflicli uşaq üçün qısalıq kompensasiyalı iki hissəli DAFO hazırlanıb. 22 yaşlı pasiyent travmadan sonra ayaqda deformasiya və qısalıqla Naxçıvandan müraciət edib. Onun üçün basınc nöqtələrindəki yaraları yükdən azad edən, sağlam toxumalara düşən yükü artıran və qısalığı kompensasiya edən fərdi P-Lite içlik hazırlanıb. Qısalığa bağlı skolioz nümunəsində korset və qısalıq kompensasiyası tətbiq olunub, sonra pasiyent qısalığın aradan qaldırılması üçün cərrahi müalicəyə yönləndirilib.
Tez-tez soruşulan suallar
Ayaqlar arasında uzunluq fərqi nə vaxt əhəmiyyətlidir? Fərq yerişi, çanağın və onurğanın vəziyyətini dəyişirsə və ya ağrı yaradırsa. Ölçmə və qərar fərdidir. Kiçik fərqlər çox vaxt yalnız müşahidə olunur. Qısalıq supinatorla kompensasiya oluna bilərmi? Bəli, müəyyən hədd daxilində. Kompensasiya fərdi içliyə və ya ayaqqabıya əlavə edilir. Böyük fərqlərdə ortoped-travmatoloq cərrahi seçimləri qiymətləndirir. Bu səhifədəki məlumat maarifləndirmə məqsədi daşıyır və mütəxəssis müayinəsini əvəz etmir. Tibbi xəbərdarlıq
Əlaqəli səhifələr
Skolioz Skolioz nədir, növləri, evdə hansı əlamətlərə baxmaq olar, Cobb bucağı və dərəcələr, müşahidə, məşq, korset və cərrahiyyə. Fərdi supinatorlar Fərdi supinator müayinədən sonra təyin olunur, ölçü gipslə alınır, ortoped-texniklər hazırlayır. Yeriş və duruşun qiymətləndirilməsi Yeriş və duruş analizi: addım, pəncənin içə basması, diz və çanaq, çiyin və kürək asimmetriyası.